Forest Licht

Forest Licht

Aa stopped an leuked abin,
Thir wis a saft glister,
That fell fae the tree taps,
Curled aroon the branches,
Tummled atween gowden leaves,
An gaithered oan the forest flair.

Aa reached oot, waatched shadaes
Shift aroon ma fingers,
Felt the sun oan ma palm.
It wis as if ma thochts
Had pairted, an a cud see
every root o yon place.

A held oan tae that meenit,
Wrung every second dry.
It wis aw a really needed,
A reason just tae be,
A wee bit o welcome waarmth,
An a haun, fu o licht.


Derek Ross